【台北】捷運紅線玩透透，北投、淡水一日遊攻略！－啾啾の旅行紀錄

港澳人去台灣，多數都以北部為主，皆因大台北地區交通便利，又多適合時下年青人的好去處。雖則話去得多北部其實都幾悶，但作為主要旅遊區，近年台北附近確係愈來愈多新興景點，例如今次會講到嘅星空草原，老實講去多幾次都唔怕厭！無連假唔緊要，一於禮拜五請半晝假，嚟個話走就走嘅3日2夜輕旅行。

今次要介紹嘅景點全部都坐捷運紅色線就可以到達，絕對慳錢又慳力，3日2夜都可以好盡興！☞台北住宿推薦｜淡水住宿推薦

【暑假限時快閃優惠】

- 台灣指定酒店住宿激減低至 2折起！

- 而且訂房再享9折 tripool 機場接送優惠

（數量有限，送完即止）

- AsiaYo 讓你一落機 🛬 就 Chill 住暢遊台灣！

【全年最高優惠倒數中】 👉 活動詳情

立即訂房狂搶著數

◎三天兩夜行程規劃

DAY1	桃園機場→星空草原→四四南村→象山夜景→(...看更詳細行程介紹)→台北住宿推薦
DAY2	北投→淡水→(...看更詳細行程介紹)→台北住宿推薦
DAY3	(淡水老街—小白宮—紅毛城、英國領事館—真理大學、牧事樓咖啡館—漁人碼頭)→(...看更詳細行程介紹)→台北淡水住宿推薦

◎交通總花費：台幣 $546 = 港幣 $144

◎桃園機場ßà台北市區｜交通工具總整理

機場捷運開通前，來往桃機同市區主要搭客運同的士。機捷開通後，直達車到市區只需約35分鐘，價錢亦十分貼地，只要價台幣160元，港幣50蚊有找！來往台北同機場又多個選擇喇！

小編個人就偏好去程搭客運，回程搭機捷。因為去時一般唔趕時間，坐客運邊睇風景邊聽歌亦幾relaxed，回程要趕機，夠快又可以預辦登機的機捷當然係首選！

北投—淡水—民宿

講到北投，一定第一時間諗到溫泉。北投是台灣溫泉史源頭，1896年，日本大阪商人平田源吾在此設立臺灣第一家溫泉旅館「天狗庵」。但好多人唔知，其實除左溫泉，北投仲有好多值得去的景點，比如體現綠色建築美學的北投圖書館、硫磺煙瀰漫的地熱谷同可以食到平民美食的北投市場！以下介紹的景點都係新北投站附近，而且全部步行可達。☞台北住宿推薦｜淡水住宿推薦

☞台北住宿推薦｜淡水住宿推薦

▍北投圖書館

2012年獲為「全球最美25座公立圖書館」之一，是全台灣首座綠建築圖書館，建築材料以木材為主，四周被林木包圍，相當有特色，唔睇書都可以去行下影下相，相當寫意。

Source: https:/www.travel.taipei

▍地熱谷

北投溫泉源頭之一，長年彌漫硫磺煙霧，睇落似地獄，甚至有「地獄谷」之稱，是日據時代台灣八勝十二景之一。地熱谷水質屬鹽酸酸性泉，PH值約1.6，又俗稱「青磺泉」，溫泉口水溫達98℃，水溫極高。早年有民眾失足燙傷，現時設有欄杆，大家遊覽時都記得小心！☞台北住宿推薦｜北投住宿推薦

Source: http:/travel.network.com.tw/tourguide/point/showpage/487.html;

▍北投市場

其實除左夜市，好多人忽略左，其實市場亦有好多地道平民美食的地方！雖然環境可能唔似餐廳咁靚，但絕對可以食到最local既野！北投市場可能好多人未聽過，但絕對是極多平民小食的聚集地。行到攰攰地，都差唔多食晏，就等小編同大家推薦四間市場附近必食的古早味小店啦！☞台北住宿推薦｜北投住宿推薦

❶矮仔財魯肉飯、黃家酸菜滷肉飯

矮仔財魯肉飯號稱全台最好食的魯肉飯，經常都大排長龍，除左好食之外，全因佢CP值極高！肥瘦均衡的手剁肉燥，加上濃郁醬汁，再配少少酸菜，一碗只需$25，即港幣6蚊雞！雖則份量不大，但加個小菜啱啱好。小菜價錢由港幣3蚊到15蚊不等，嗌多幾味都完全無負擔！

☞地址：台北市北投區新市街30號

☞營業時間：6:30AM-1:30PM，逢周一公休

另外一間黃家酸菜滷肉飯則是當地人熱捧的隱藏美食，主打酸菜飯，酸酸甜甜的酸菜搭配滷肉，啱啱好解到豬肉的咸膩，簡直超開胃。唔夠飽的話，仲可以嗌多碗小菜或湯。價錢一樣好接受，細滷肉飯一樣港幣6蚊雞，大嘅港紙9蚊有找。住慣港澳，可以用咁嘅價錢食到一餐，都咪話唔幸福！

Source: http://www.imgrum.org/place & http://www.ipeen.com.tw/comment/598374

❷簡記排骨酥麵

台灣的排骨係將醃過的豬肉蒸完再裹上麵粉炸，同港澳蒸排骨的概念有少少唔同，但一樣好食有特色！呢間簡記排骨酥麵的排骨蒸得相當軟爛，輕輕一咬就散開，湯底用上冬瓜熬煮，非常清甜，加上胡椒調味，非常惹味。另外呢間的乾麵亦值得一推，醬料是古早味紅醬，好多地方已經食唔到！價格方面，雖然唔及前兩間咁親民，細嘅一碗要價18蚊港幣，但對港澳人士嚟講絕對平價！

☞地址：台北市北投區新市街47號

☞營業時間：7:00AM-7:30PM，逢周二公休

☞台北住宿推薦｜北投住宿推薦

❸上全肉羹、漢奇肉羹

肉羹是台灣代表菜色之一，醃好的豬肉裹上魚漿滾水煮熟，再加落麵、湯羹裡面，是非常簡單的平民美食。北投市場附近最出名的肉羹有兩間，分別係上全同漢奇。一間係原店老師傅傳承的老味道，另一間是徒弟另起爐灶，味道特色各有千秋。比較之下，上全較接近古早味，湯底較濃，肉羹亦較大粒；漢奇湯底則比較清淡，價格亦較低，足足比上全平10蚊台幣！
◎上全肉羹——

地址：台北市北投區光明路新生巷6號
營業時間：6:00AM-2:30PM
◎漢奇肉羹——

地址：台北市北投區光明路48號
營業時間：6:30AM- 3:30PM，逢周二公休

☞台北住宿推薦｜北投住宿推薦

❹陳家挫冰

北投市場另一間排隊名店就是陳家挫冰，佢地配料相當多樣，且每樣都相當出色！燒仙草、豆花、挫冰都係必點品項，加四樣料都只係$50，絕對大碗夾抵食。網友大推佢地嘅地瓜同芋圓，煮得夠晒稔。
☞地址：台北市北投區新市街22之1號
☞營業時間：2:00PM-1:00AM

Source: https://www.pinterest.com/heatherabbit/taiwan-beauty/

▍水月道場

食飽飽最啱就係散散步，促進消化。位於北投法鼓山農禪寺的水月道場，是近年新興的拍照熱點。道場由著名建築師姚仁喜設計，概念來源於聖嚴法師之言. ：「空中花，水中月」。道場建於一面大湖之上，景物倒影互相映襯，無論是朝早或夜晚去，景色都相當優美。

☞地址：台北市北投區大業路65巷89號
☞開放時間：9:00AM-4:00PM
☞交通：由北投市場出發的話，可搭乘302或821號公車，於大業路落車，步行4分鐘即達。

☞台北住宿推薦｜北投住宿推薦

Source: aspxtest.coolpix.com.tw

▍北投à淡水｜日落、夜市

行夠睇飽，差唔多到黃昏，Lunch又差唔多落膈，係時候出發去同一條捷運線可達的淡水，睇日落食晚餐喇。一出捷運站，右手邊就係英專路夜市，去夜市買定一堆小食，就可以出發去隔離嘅淡水金色水岸公園，邊食晚餐，邊睇日落！

☞交通：由水月道場搭公車返捷運附近，再搭向淡水方向，於尾站淡水站落車。由1號出口出嚟，左邊就係英專路夜市，而捷運站後邊就係金色水岸公園。
☞台北住宿推薦｜北投住宿推薦

▍英專路夜市特色美食Top 3

❶沙茶羊肉

呢個無招牌的沙茶牛肉是英專路夜市出名的隱藏版美食，超級專一，只賣沙茶羊肉同白飯。空心菜同羊肉落鑊快炒，配濃郁沙茶醬加蒜頭、辣椒，惹味至極，稱得上撈飯神物，一碗白飯絕對唔夠！

☞地址：博愛街4號

☞營業時間：5:00PM-11:00PM

☞台北住宿推薦｜北投住宿推薦

❷沙拉船& 甜甜圈

老實講，沙拉船係小編嚟台灣後覺得都幾奇怪的台灣小食之一，但奇怪得嚟又真係好有特色，因為除左台灣之外，真係未係其他地方見過！沙拉船源自基隆夜市，而家一般夜市都會見到佢影蹤。沙拉船睇落就似「齋版」既熱狗，只係入面唔放香腸，而係一堆生果同蔬菜，做法係先將炸過的麵包加上火腿、蕃茄、小黃瓜及魯蛋等等，再淋上沙拉醬，又稱「營養三明治」。攤位仲有賣甜甜圈，姐係俗稱的冬甩，只要價3蚊雞港幣，非常抵食。

☞地址：英專路49號附近
☞營業時間：唔固定，睇老闆心情

Source: http://chenmin1935.pixnet.net/blog/post/183603839

❸阿伯仔臭豆腐

聽到臭豆腐有D人可能覺得驚驚地，小編剛來台灣時都係咁，淨聞到都覺得頂唔順，但一次偶然食到脆皮臭豆腐，從此就愛上左～～初嘗炸豆腐的話，個人覺得脆皮比蒸的好接受，畢竟炸的有油香味，多少掩蓋到部分臭味。呢間臭豆腐係夜市的巷仔內，非常不起眼，但非常受當地人歡迎，豆腐都是在樓上先炸好，再拎落樓下，所以會一路見到有人上上落落，豆腐分脆皮同素食，全部都係即點即做，大概需要等10分鐘。

☞地址：英專路61-1號
☞營業時間：休假會於粉專公布

☞台北住宿推薦｜北投住宿推薦